Jeg velger meg april...

Eg skal sei at tida flyg! No er vi allereie midt i april. Og eg har ikkje blogga på 3 månader. Eg kan skulde på så mykje, men sanninga er at det har vore travelt. Og i denne travle perioda i livet, har kreativiteten min knapt vore vakjen. Det einaste eg har klart å presse fram er eit telysglas, laga ev eit syltetyglas.

Og på ein shoppingrunde etter grisehaleskruer (ikkje sei griseøyreskruer, då berre ler mannfolk av deg) så fann eg ein veggtekst som eg berre måtte ha. Og ja, eg HAR lese at skrift og bokstavar er UT, passé, SO 2011, men likevel, eg MÅTTE berre.

Det straffa seg då eg skulle få det på veggen. Det var ikkje blomefylde, vaniljeduftande ord som kom ut då, om du skjønar. Nokre av bokstavane er litt skakke, men med tanke på svette og tårar, og kanskje litt blod, så er eg nøgd likevel.

Vi fekk fint ver på ein laurdag i april. Det var fantastisk. No har vi hage (jippi), og nye hagemøbel. Vi inviterte farmor på besøk. Ho ville gjerne koma, og ho stråla om kapp med sola. Farmor er 90, men ser ut som ei Hollywoodstjerne. Ho passa perfekt inni hagen og dei nye hagemøbla.

Ei anna kreativ side i denne travle perioda, har vore matlagingssida. Som plaster på såret for deg som standhaftig har sjekka bloggen min, får du no oppskrifta på garantert vellukka crème brûlée:

3 eggeplommer

3 spiseskjeier med sukker

3 dl kremfløyte

1 vaniljestong

Kok sakte opp fløyte og frø frå vaniljestonga. I mellomtida piskar du sukker og eggeplommer til det vert nesten eggedosis. Ha den varme (men ikkje kokande) fløyteblandinga i eggedosisen i ei tynn stråle, medan du piskar godt. Hell blandinga i 4 eldfaste porsjonsformar. Steik i ovnen ved 175 grader i max 30 minutt. Formene skal stå i djup longpanne, med vatn i (såkalla vatnbad).

Vaniljefrø får du ved å splitte stonga og skrape dei ut. Fløyteblandinga må ikkje koke, for då koagulerar proteinet i egget, og desserten vil smake egg (den skal smake himmelsk, ikkje egg). Vatnbadet er for at desserten skal steike jamnare. Eg kokar opp vatn i vatnkokaren, og heller det i longpanna. Merk: Varmluft har ingenting her å gjere.

Til slutt skal det vere karamellisert sukker på toppen. Strø ein teskje sukker på toppen av kvar dessert. Dette kan du ordne ved å setja formene høgt i ovnen under grill, medan du ser på dei heile tida. Eller du kan bruke crème brûlée-brennar. Eller skibrennar? Ikkje veit eg. I all fall, det vert lett brent sukker i staden for karamellisert sukker. Så pass på.

Jordbær er godt tilbehør.

Når du har laga dette, sit du att med 3 eggekvitar. Dei kan ein jo ikkje kaste! Eg har eit tips: Marengs. Nam!

Du gjer slik:

Pisk eggekvitane stive. Ha i pittelitt salt, 1 teskje balsamicoeddik, 1 dl sukker og 1 teskje bakepulver. Pisk til det vert ein tjukk og blank masse. Ha i klattar på bakepapir.

Eg laga små, ca 1 teskje per klatt. Steik ved 100 grader i 1 time.

Desse vert mjuke i midten. Ikkje ekte pikekyss, kanskje, men eg lovar, det vil følast som pikekyss (eller gutekyss dersom du føretrekkjer det). Lenge. Eller som husbonden sa: det smakar ferdig smelta marshmallows. Eg blanda hakka pistasjenøttar i halvparten. Nam. Eg berre seier det.

Når alt dette er sagt, så har eg laga to søte små kjolar til to søte små jenter. Men eg gløymde å ta bilete av dei.

Eg ynskjer deg ein strålande flott vidare april.


English:
Time really flies, and I haven't been blogging for 3 months! I've been really busy, and the only creative thing I have managed to squeeze out is a lantern for tealights I made from a jam-jar. Also I put a wall-sticker up, even though I read that it's SO passé... It was too beautiful to care, but a monster to work with. 
We had sun on an april-saturday, so we invited my grandmother for coffee. We had crème brûlée and strawberries, and meringues I made out of the spare eggwhites. YUM. My grandmother is 90 years old, but she still looks like a moviestar.
I made two dresses for two little girls, but forgot to take a picture of them.


Have a wonderful rest of april!

Ina Christine